சிறு விஷயமோ
பெரு விஷயமோ,
கண்சிமிட்டி கை மறைத்து
இவள் காதில் வந்து சொல்லிடுவாள் !
அவள் ரகசியமாய் சொல்லும்
ரகசியங்களை ரசித்து கேட்கும்
ரசிகை இவள் !
அவள் சிரித்துச் சொல்லும்
சின்ன சங்கதியில்
அலாதியான அழகிருக்கும் !
அகிலமே இவளுக்குள்
ஆசைதீர ஆர்ப்பரிக்கும் !
விளங்கினாலும் வேண்டுமென்றே - இவள்
விளக்கம் கேட்டு வினவிடுவாள் !
சட்டென சிரித்திடுவாள்,
விழியசைவில் விளக்கிடுவாள் !
அப்படியா என்று இவளும்,
ஆமாம் என்று அவளும்,
கண்ணசைத்து காதோரம்
கதை பேசும் கிசுகிசுக்கள் !
அவர்களுக்குள்
அப்படி என்ன ரகசியமோ?
ஆச்சரியங்கள் அதிசயிக்கும்
அவளின் எண்ணங்களில் எழுகின்ற
ரகசியங்களின் ரகசியம் இவள் !!
- மே. இசக்கிமுத்து
கருத்துகள் இல்லை:
கருத்துரையிடுக