முதல் கவிதை!!

பள்ளி பருவத்தின் முதல் கவிதை

படிக்கும்பொழுதெல்லாம்

பனி விழும் மலராய் மாறுதே மனது!!

முதல் கவிதையை பிரசிவிக்க பட்ட பாடுகள்,

பல்துலக்கும் நேரம் முதல் பாய் விரிக்கும் நேரம் வரை வார்த்தை தேடல்கள் வானமென நீண்டு கொண்டது !!

சிந்தையில் சிக்குண்டு சிதறிய வார்த்தைகளை வரப்புக்குள் கொண்டுவந்து, எழுதி எழுதி அடித்து அடித்து வார்த்தை கொலைகள் வகையின்றி நடந்தேறும்!!

கனவிலும் கருவாய் வளர்ந்தது என் கவிதை!
வெயிலிலும் நிழலாய் தொடர்ந்தது என் கவிதை!
வியர்வை துளிகளெல்லாம் கவிதை துளிகளாய்!!

இருவார இறுதியில்
இனிதாய் பிறந்தது கவிதை!!
ஒருமுறை இருமுறை பலமுறை வாசித்து,
கரம் பிடித்து நடைபழகும் மழலையாய்,
மழை துளி நிலத்தில் பட்டுதெரித்ததாய்
துள்ளி குதித்தது மனம்!!

பள்ளி பருவத்தின் முதல் கவிதை
படிக்கும்பொழுதெல்லாம்
பனி விழும் மலராய் மாறுதே மனது!!